குழந்தையின் வளர்ச்சிக்கு உதவும் சத்துகள் மிக்க 5 அவல் ரெசிபி
அவல் உணவு குழந்தைகளுக்கான பிரத்யேக உணவு என்றே சொல்லலாம். சத்துகளையும் சுவையையும் தரக்கூடியது. காலை, மதியம், இரவு என எந்த வேளையிலும் அவல் உணவுகளைக் குழந்தைகளுக்கு செய்து தரலாம். இதை செய்யும் நேரமும் 5-10 நிமிடங்களுக்குள்தான் ஆகும். எப்படி செய்யலாம் என்பதைப் பார்க்கலாம்.
வகை வகையான 5 அவல் ரெசிபி
ராகி கேரட் அவல்
தேவையானவை
- ராகி அவல் - 100 கிராம்
- பொடியாக நறுக்கிய கேரட் - 50 கிராம்
- மிளகுத் தூள் - ஒரு சிட்டிகை
- உப்பு - சிறிதளவு
- கறிவேப்பிலை, கொத்தமல்லி - சிறிதளவு
- கடுகு, உளுந்து, வெந்தயம் - தாளிக்க
செய்முறை
- ராகி அவலை தண்ணீர் விட்டு கழுவிய உடன், சுத்தமாக வடிகட்டி 5 நிமிடங்கள் அப்படியே வைக்கவும்.
- வாணலியில் எண்ணெய் ஊற்றி தாளிக்க வேண்டியதைத் தாளிக்கவும்.
- காய்கறிகள் சேர்த்து வதக்க வேண்டும்.
- உப்பு, மிளகுத்தூள் சேர்த்து அவல் போட்டு கிளறவும்.
- ராகி கேரட் அவல் தயார்.
சோள வெஜ் அவல்
Image Source: Jeyashris kitchen
தேவையானவை
- சோள அவல் - 100 கிராம்
- துருவிய கேரட், முட்டைக்கோஸ் - 50 கிராம்
- கடுகு, உளுந்து, வெந்தயம், கறிவேப்பிலை - தாளிக்க
- உப்பு, மிளகு தூள் - சிறிதளவு
- கொத்தமல்லி - சிறிதளவு
செய்முறை
- சோள அவலை தண்ணீர் விட்டு கழுவிய உடன், சுத்தமாக வடிகட்டி 5 நிமிடங்கள் அப்படியே வைக்கவும்.
- எண்ணெய் ஊற்றி தாளிக்க வேண்டியதைத் தாளிக்கவும்.
- இதனுடன் காய்கறிகள் சேர்த்து நன்கு வதக்கவும்.
- பின்னர் கழுவி வைத்துள்ள அவலை சேர்த்துக் கிளறவும்.
- உப்பு, மிளகுத்தூள் போட்டு கிளறி, கொத்தமல்லி தூவி இறக்கிவிடலாம்.
googletag.cmd.push(function() { googletag.display('div-gpt-ad-1528202144377-0'); });
கம்பு இனிப்பு அவல்
Image Source: Pinterest
தேவையானவை
- ஊறவைத்த கம்பு அவல் - 100 கிராம்
- தேங்காய்த் துருவல் - 3 ஸ்பூன்
- வெல்லம் தூள் - 1-2 டீஸ்பூன்
- நட்ஸ் பவுடர் - 1 டீஸ்பூன்
- நெய் - 1 டீஸ்பூன்
செய்முறை
- வாணலில் நெய் ஊற்றி, தேங்காய்த் துருவல் சேர்க்கவும்.
- பிறகு ஊறவைத்த அவலை போட்டு, வெல்லம் தூள் போட்டு கிளறவும்.
- நட்ஸ் பவுடர் சேர்த்துக் கிளறவும். இளஞ்சூடாக குழந்தைகளுக்கு கொடுக்கலாம்.
ஃப்ரூட் அவல் பால்ஸ்
Image Source: Vegetarian Indian Recipes
தேவையானவை
- ஊறவைத்த அவல் - 100 கிராம்
- ஹோம்மேட் டேட்ஸ் சிரப் - சிறிதளவு
- ஹோம்மேட் நட்ஸ் பவுடர் - 1 டீஸ்பூன்
- துருவிய ஆப்பிள் - 1
- தேங்காய்த் துருவல் - 3 ஸ்பூன்
- ஏலப்பொடி - ¼ டீஸ்பூன்
- வறுத்த வெள்ளை எள் - 1/2 டீஸ்பூன்
இதையும் படிக்க: ஹோம்மேட் டேட்ஸ் சிரப், டேட்ஸ் ப்யூரி செய்வது எப்படி?
செய்முறை
- பவுலில் ஊறவைத்த அவல் போட்டு, டேட்ஸ் சிரப், துருவிய ஆப்பிள், தேங்காய் துருவல், நெய், ஏலப்பொடி, ஹோம்மேட் நட்ஸ் பவுடர், வறுத்த வெள்ளை எள் சேர்த்து அவல் உருண்டை பால்ஸாக செய்யலாம்.
- சுவையான, சத்தான அவல் ஃப்ரூட்ஸ் பால்ஸ் தயார்.
கார அவல்
Image Source: Chithras food book
தேவையானவை
- ஒரு நிமிடம் ஊறவைத்த அவல் - 100 கிராம்
- சீரகம் - 1 ஸ்பூன்
- உளுந்து - 2 ஸ்பூன்
- கொத்தமல்லி - சிறிதளவு
- கறிவேப்பிலை - 1 கொத்து
- மிளகு தூள் - 1/2 டீஸ்பூன்
- உப்பு - சிறிதளவு
செய்முறை
- எண்ணெய் விட்டு சீரகம், உளுந்து, கறிவேப்பிலை தாளித்து ஊறவைத்த அவலை போட்டு கிளறவும்.
- மிளகுத் தூளும் உப்பும் சேர்க்கவும்.
- பிறகு கொத்தமல்லி தூவி இறக்கிவிடலாம்.
null
null